سورة الجن - آیت 14
وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا
ترجمہ ترجمان القرآن - مولانا ابوالکلام آزاد
اور یہ کہ ہم میں سے کچھ مسلمان (فرمانبردار) اور کچھ سرتابی کرنے والے ہیں تو جنہوں نے اسلام میں فرمانبرداری کی راہ اختیار کی انہوں نے نجات کی راہ تلاش کرلی
تیسیر الرحمن لبیان القرآن - محمد لقمان السلفی رحمہ اللہ
(14) جنوں نے اپنی قوم کے افراد کے بارے میں دوبارہ یہ بات کہی کہ ہم میں سے بعض مسلمان ہوگئے ہیں اور بعض اب تک جادہ اسلام سے دور ہیں انہوں نے نبی کریم (ﷺ) کی دعوت کو قبول نہیں کی ہے پس جن لوگوں نے اسلام کو قبول کر لیا ہے اور اپنی گردن اللہ کے لئے جھکا دی ہے وہ اس راہ حق پر گامزن ہوگئے ہیں جو انہیں جنت اور اس کی نعمتوں تک پہنچا دے گا۔