سورة الجن - آیت 12
وَأَنَّا ظَنَنَّا أَن لَّن نُّعْجِزَ اللَّهَ فِي الْأَرْضِ وَلَن نُّعْجِزَهُ هَرَبًا
ترجمہ ترجمان القرآن - مولانا ابوالکلام آزاد
اور یہ کہ ہم نے سمجھ لیا ہے کہ ہم نہ توزمین میں (رہ کر) اللہ تعالیٰ کو عاجز کرسکتے ہیں اور نہ بھاگ کر اسے ہراسکتے ہیں
تیسیر الرحمن لبیان القرآن - محمد لقمان السلفی رحمہ اللہ
(12)جنوں نے یہ بھی کہا : اب ہمیں یقین ہوگیا ہے کہ اللہ ہر چیز پر قادر ہے اور ہم محض عاجز و بے بس ہیں، ہماری پیشانیاں اللہ کے اختیار میں ہیں، ہم زمین پر کسی حال میں اسے عاجز نہیں بناسکتے اور اس سے بھاگ کر کہیں نہیں جاسکتے۔