سورة نوح - آیت 25

مِّمَّا خَطِيئَاتِهِمْ أُغْرِقُوا فَأُدْخِلُوا نَارًا فَلَمْ يَجِدُوا لَهُم مِّن دُونِ اللَّهِ أَنصَارًا

ترجمہ ترجمان القرآن - مولانا ابوالکلام آزاد

آخر اپنی ہی خطاؤں کی بنا پر وہ غرق کیے گئے اور آگ میں جھونک دیے گئے پھر انہوں نے اللہ کے سوا کوئی مدد کرنے والا نہ پائے

تفسیرتیسیرارحمٰن - محمد لقمان سلفی

(25) اللہ تعالیٰ نے نوح (علیہ السلام) کی دعا قبول کرلی اور ان کی قوم کو طوفان کے ذریعہ ہلاک کردیا اور ان کا یہ انجام ان گناہوں کے سبب ہوا جن کے انجام بد سے نوح (علیہ السلام) نے انہیں ڈرایا تھا لیکن انہوں نے ان کی بات نہیں مانی تھی، تو اللہ کے عذاب نے انہیں گھیر لیا اور سب کے سب ہلاک کردیئے گئے اور ہمیشہ کے لئے جہنم رسید ہوگئے، اور اللہ کے عذاب سے انہیں کوئی نہ بچا سکا۔