سورة الحاقة - آیت 18

يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ

ترجمہ ترجمان القرآن - مولانا ابوالکلام آزاد

لوگو) اس روز تم اپنے رب کے حضور پیش کیے جاؤ گے اور تمہارا کوئی راز بھی مخفی نہیں رہے گا

تیسیر الرحمن لبیان القرآن - محمد لقمان السلفی رحمہ اللہ

(18) اللہ تعالیٰ نے جنوں اور انسانوں کو مخاطب کر کے کہا کہ قیامت کے دن تم سب اپنے رب کے سامنے حساب اور جزا و سزا کیلئے پیش کئے جاؤ گے اور وہ پیشی اس لئے نہیں ہوگی تاکہ اللہ تعالیٰ تمہارے ان اعمال کو جانے جن کی اسے خبر نہیں تھی، بلکہ اس سے مقصود تمہیں آزمانا اور تمہاری زجر و توبیخ ہوگی۔ اسی لئے اللہ تعالیٰ نے فرمایا : ” تم اپنے رب کے سامنے پیش کئے جاؤ گے، درانحالیکہ تمہارے کرتوتوں میں سے کوئی بات اس سے مخفی نہیں ہوگی۔ “