سورة الملك - آیت 30

قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَن يَأْتِيكُم بِمَاءٍ مَّعِينٍ

ترجمہ ترجمان القرآن - مولانا ابوالکلام آزاد

ان سے کہہ دیجئے بھلاتم نے کبھی یہ سوچا ہے کہ تمہارا پانی (جوتم پیتے ہو) اگر زمین میں نیچے اترجائے تو کون ہے جو تم کو نتھرا (یابہتا ہوا) پانی لاکردے گا۔

تفسیرتیسیرارحمٰن - محمد لقمان سلفی

(30) آخری آیت میں اللہ تعالیٰ نے نبی کریم (ﷺ) کی زبانی مشرکین کو یہ بات بتائی کہ تمام نعمتیں بندوں کو اسی ذات واحد کی طرف سے ملی ہیں، بالخصوص پانی جس کے ذریعہ اللہ نے تمام زندہ چیزوں کو پیدا کیا ہے۔ اگر اللہ تعالیٰ اس پانی کو زمین کی آخری تہ میں پہنچادے، تو اس کے سوا کوئی ہے جو تمہیں صاف و شفاف پانی عطا کرے؟ جو اب معلوم ہے کہ کوئی نہیں ہے اور جب بات ایسی ہے تو پھر اس اللہ کو چھوڑ کر دوسروں کو کیوں پوجتے ہو، کیوں دوسروں کو اس کا شریک بناتے ہو؟ وباللہ التوفیق