سورة الطلاق - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ ترجمان القرآن - مولانا ابوالکلام آزاد

شروع اللہ کے نام سے جو بے حد مہربان اور نہایت رحم والا ہے

تیسیر الرحمن لبیان القرآن - محمد لقمان السلفی رحمہ اللہ

سورۃ الطلاق مدنی ہے، اس میں بارہ آیتیں اور دو رکوع ہیں تفسیر سورۃ الطلاق نام : آیت (1) میں دوبارہ طلاق کا لفظ آیا ہے اور پوری سورت کا موضوع طلاق کے احکام ہیں، اسی لئے اس کا نام ” سورۃ الطلاق“ رکھ دیا گیا عبداللہ بن مسعود (رض) نے اسے ” چھوٹی سورۃ النساء“ بھی کہا ہے۔ زمانہ نزول : قرطبی نے لکھا ہے کہ یہ سورت تمام کے نزدیک مدنی ہے، ابن مردودیہ اور بیہقی وغیرہ نے ابن عباس (رض) سے روایت کی ہے کہ سورۃ الطلاق مدینہ میں نازل ہوئی تھی۔