سورة النجم - آیت 4

إِنْ هُوَ إِلَّا وَحْيٌ يُوحَىٰ

ترجمہ ترجمان القرآن - مولانا ابوالکلام آزاد

اس کے منہ سے جو کچھ نکلتا ہے وہی ہے جو اس پر وحی ہوتا ہے۔

تیسیر الرحمن لبیان القرآن - محمد لقمان السلفی رحمہ اللہ

بلکہ وہ سب اللہ کی وحی ہوتے ہیں، جیسا کہ اللہ نے سورۃ النساء آیت (113) میں فرمایا ہے : ” اللہ نے آپ پر کتاب و حکمت یعنی قرآن و سنت دونوں نازل کیا ہے“ صاحب ” فتح البیان“ لکھتے ہیں یہ آیت دلیل ہے کہ نبی کریم (ﷺ) کی سنت وحی ہوتی تھی جو آپ کے دل میں ڈال دی جاتی تھی۔