سورة الذاريات - آیت 60

فَوَيْلٌ لِّلَّذِينَ كَفَرُوا مِن يَوْمِهِمُ الَّذِي يُوعَدُونَ

ترجمہ ترجمان القرآن - مولانا ابوالکلام آزاد

غرض ان کافروں کے لیے اس دن بڑی خرابی ہوگی جس کا انہیں خوف دلایا جارہا ہے۔

تفسیرتیسیرارحمٰن - محمد لقمان سلفی

اسی لئے آیت (60) میں کہا گیا ہے کہ جس عذاب کے دن کا ان سے وعدہ کیا گیا ہے وہ کافروں کے لئے ہلاکت و بربادی کا دن ہوگا، مفسرین لکھتے ہیں کہ اسے مراد یا تو روز قیامت ہے، یا غزوہ بدر جب مشرکین مکہ کے کشتوں کے پشتے لگ گئے تھے، مفسر ابوالسعود نے پہلی رائے کو ترجیح دی ہے۔ وباللہ التوفیق