سورة ق - آیت 43

إِنَّا نَحْنُ نُحْيِي وَنُمِيتُ وَإِلَيْنَا الْمَصِيرُ

ترجمہ ترجمان القرآن - مولانا ابوالکلام آزاد

بے شک ہم ہی زندہ کرتے ہیں اور ہم ہی موت دیتے ہیں اور ہماری طرف ہی سب کو لوٹ کرآنا ہے۔

تیسیر الرحمن لبیان القرآن - محمد لقمان السلفی رحمہ اللہ

(32) اس آیت کریمہ میں بھی اللہ نے بعث بعد الموت کو ایک اٹل حقیقت بتایا ہے اور فرمایا ہے کہ ہم ہی تمام مخلوقات کو پہلی بار پیدا کرتے ہیں اور مرنے کے بعد دوبارہ انہیں زندہ کریں گے اور انہیں دوبارہ پیدا کرنا ہمارے لئے زیادہ آسان ہے۔ اور سب کو دوبارہ زندہ ہو کر ہمارے پاس ہی لوٹ کرآنا ہے اور اپنے کئے کی انہیں جزا یا سزا پانی ہے۔