سورة ق - آیت 20

وَنُفِخَ فِي الصُّورِ ۚ ذَٰلِكَ يَوْمُ الْوَعِيدِ

اور صور پھونکا جائے گا، یہی دن عذاب کے وعدے کا ہے۔

(12) جس دن اسرافیل (علیہ السلام) بعث بعد الموت کا صور پھونک دیں گے اور سارے لوگ گھبرا کر میدان محشر کی طرف دوڑ پڑیں گے، وہی کافروں کے عذاب کا دن ہوگا اور اگرچہ وہ دن مومنوں کے ساتھ کئے گئے وعدہ جنت کی تکمیل کا بھی ہوگا، لیکن کافروں کے لئے تیار کئے گئے عذاب جہنم کی ہولناکی بیان کرنے کے لئے صرف عذاب کا ذکر آیا ہے۔