سورة محمد - آیت 7
يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ
ترجمہ ترجمان القرآن - مولانا ابوالکلام آزاد
اے ایمان والو، اگر تم خدا کے کلمہ حق کی مدد کروگے تو اللہ تعالیٰ بھی تمہاری مدد کرے گا اور تمہارے اندر مضبوطی اور ثابت قدمی پیدا کردے گا
تیسیر الرحمن لبیان القرآن - محمد لقمان السلفی رحمہ اللہ
(3) اللہ تعالیٰ نے اپنے مجاہد بندوں سے فتح و کامرانی کا وعدہ کیا ہے اور کہا ہے کہ اگر وہ لوگ اس کے دین کی خاطر اس کے دشمنوں سے قتال کریں گے تو و ان کی مدد کرے گا، انہیں غالب بنائے گا، ہر معرکہ جہاد میں انہیں ثبات قدمی عطا فرمائے گا اور دشمنوں کی زمین و جائیدد کا انہیں وارث بنا دے گا۔