سورة الجاثية

وَأَمَّا الَّذِينَ كَفَرُوا أَفَلَمْ تَكُنْ آيَاتِي تُتْلَىٰ عَلَيْكُمْ فَاسْتَكْبَرْتُمْ وَكُنتُمْ قَوْمًا مُّجْرِمِينَ

لیکن جن لوگوں نے کفر کیا ان سے کہا جائے گا، کیا میری آیات تمہیں پڑھ کر نہیں سنائی جاتی تھیں؟ پھر تم نے ان سے تکبر کیا اور تم بڑی ہی مجرم قوم تھے

اور جن لوگوں نے کفر کی راہ اختیار کی، اور شرک و معاصی کا ارتکاب کیا، ان سے کہا جائے گا : کیا میرے انبیاء تمہارے پاس نہیں آئے، اور کیا میری آیتیں پڑھ کر تمہیں سنائی نہیں گئیں، اور تمہیں اللہ کا خوف نہیں دلایا گیا ؟ ہاں، تمہیں یقیناً میری آیتیں سنائی گئیں، لیکن تم نے استکبار میں آ کر ان کا انکار کردیا، اور تم لوگ تھے ہی بڑے مجرم صفت لوگ، جبھی تو تم نے بندہ ہو کر بندگی کی راہ چھوڑ دی، شیطان کی پیروی کی اور گناہوں کا ارتکاب کیا۔