سورة الدخان - آیت 30

وَلَقَدْ نَجَّيْنَا بَنِي إِسْرَائِيلَ مِنَ الْعَذَابِ الْمُهِينِ

ترجمہ ترجمان القرآن - مولانا ابوالکلام آزاد

) بلاشبہ ہم نے بنی اسرائیل کو سخت ذلت کے عذاب، سے نجات دی

تیسیر الرحمن لبیان القرآن - محمد لقمان السلفی رحمہ اللہ

(11) اللہ تعالیٰ نے بنی اسرائیل پر بہت سارے احسانات کیےتھے، یہاں انہی میں سے بعض کا تذکرہ ہے۔ فرعون نے بنی اسرائیل کو غلام بنا رکھا تھا، ان کے لڑکوں کو قتل کر تاتھا، ان کی عورتوں و رسوا کرنے کے لئے زندہ رکھتا تھا اور ان سے مشکل ترین کام لیتا تھا۔ اللہ تعالیٰ نے اسے ہلاک کر کے بنی اسرائیل کو اس رسوا کن عذاب سے نجات دے دی۔