سورة الزخرف - آیت 39

وَلَن يَنفَعَكُمُ الْيَوْمَ إِذ ظَّلَمْتُمْ أَنَّكُمْ فِي الْعَذَابِ مُشْتَرِكُونَ

ترجمہ ترجمان القرآن - مولانا ابوالکلام آزاد

اور جبکہ تم ظالم ٹھہرچکے تو آج اس سے تمہیں کوئی فائدہ نہیں ہے کہ تم سب عذاب میں شریک ہو

تیسیر الرحمن لبیان القرآن - محمد لقمان السلفی رحمہ اللہ

آیت (39) میں بتایا گیا کہ اس دن اللہ تعالیٰ ان سے کہے گا کہ دنیا میں اللہ کے ساتھ غیروں کو شریک بنانے کی وجہ سے تم پر آج کے دن کا عذاب واجب ہوگیا ہے، اب کوئی تمنا تمہیں کام نہیں دے گی اور تم سب یعنی تم اور تمہارے شیاطین دوست عذاب جہنم میں برابر کے شریک ہو گے۔