سورة غافر - آیت 49
وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِّنَ الْعَذَابِ
ترجمہ ترجمان القرآن - مولانا ابوالکلام آزاد
اور اہل جہنم حفاظت کرنے والے فرشتوں سے کہیں گے تم اپنے رب سے دعا کرو وہ ہمارے عذاب میں کسی دن تو تخیفف کردے
تیسیر الرحمن لبیان القرآن - محمد لقمان السلفی رحمہ اللہ
(26) جہنم میں عذاب پانے والے بڑے اور چھوٹے تمام کافر عذاب کی سختیوں سے تنگ آ کر اور ہر طرف سے ناامید ہو کر جہنم پر مامور فرشتوں سے التجا کریں گے کہ ذرا تم ہی اپنے رب سے ہم پر رحم کرنے کی دعا کرو کہ وہ ایک دن کے لئے بھی ہم سے عذاب کو ہلکا کر دے۔