سورة غافر - آیت 33

يَوْمَ تُوَلُّونَ مُدْبِرِينَ مَا لَكُم مِّنَ اللَّهِ مِنْ عَاصِمٍ ۗ وَمَن يُضْلِلِ اللَّهُ فَمَا لَهُ مِنْ هَادٍ

ترجمہ ترجمان القرآن - مولانا ابوالکلام آزاد

جس دن کہ تم پیٹھ پھیر کربھاگو گے اس دن تمہیں اللہ سے کوئی بچانے والانہ ہوگا اور جسے اللہ گمراہ کردے اسے پھر کوئی راستہ دکھانے والا نہیں ہوتا

تیسیر الرحمن لبیان القرآن - محمد لقمان السلفی رحمہ اللہ

مرد مومن نے کہا : میں تمہارے بارے میں اس دن سے ڈرتا ہوں جس دن تم حساب کے بعد از خود میدان محشر سے جہنم کی طرف بھاگ رہے ہو گے اس دن تمہیں عذاب الٰہی سے کوئی نہیں بچا سکے گا اور جسے اللہ گمراہ کر دے اسے کون ہدایت دے سکتا ہے؟