سورة غافر - آیت 3

غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ لَا إِلَٰهَ إِلَّا هُوَ ۖ إِلَيْهِ الْمَصِيرُ

ترجمہ ترجمان القرآن - مولانا ابوالکلام آزاد

گناہ بخشنے والا اور توبہ قبول کرنے والا، سخت سزا دینے والا، بڑا صاحب فضل، اس کے سوا کوئی معبود نہیں اسی کی طرف لوٹ کرجانا ہے

تفسیرتیسیرارحمٰن - محمد لقمان سلفی

وہ مغفرت چاہنے والوں کے گناہ معاف کردیتا ہے، توبہ کرنے والوں کی توبہ قبول کرتا ہے، نافرمانوں اور کافروں کو سخت ترین سزا دینے پر قادر ہے، اور مخلوقات پر خوب انعام و احسان کرنے والا ہے، اس کے سوا کوئی معبود نہیں ہے، روز قیامت سب کو اسی کے پاس لوٹ کر جانا ہے۔