سورة الزمر - آیت 59

بَلَىٰ قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنتَ مِنَ الْكَافِرِينَ

ترجمہ ترجمان القرآن - مولانا ابوالکلام آزاد

لیکن اس وقت صدائے الٰہی اٹھے گی کہ ہاں میں نے توپنا حکم بھیجا تھا اور اپنی نشانیاں تجھے دکھلائی تھیں پرتونے ان کو جھٹلایا اور ان کے آگے جھکنے کی جگہ مغرور ہوگیا میرے حکموں سے انکار کرنیوالوں میں تو بھی تھا اب تیرے لیے حسرت ونامرادی کے سوا کچھ نہیں ہوسکتا

تفسیرتیسیرارحمٰن - محمد لقمان سلفی

36 -اللہ تعالیٰ ان اہل جرائم کی تردید کرے گا اور کہے گا کہ بات ویسی نہیں جیسی تم کہہ رہے ہو تمہارے سامنے تو قرآن کریم کی آیتوں کی تلاوت کی جاتی رہی، لیکن تم نے ان کی تکذیب کی، کبر و عناد سے کام لیا اور کفر کی راہ اختیار کی۔