سورة ص - آیت 16

وَقَالُوا رَبَّنَا عَجِّل لَّنَا قِطَّنَا قَبْلَ يَوْمِ الْحِسَابِ

ترجمہ ترجمان القرآن - مولانا ابوالکلام آزاد

اور یہ لوگ کہتے ہیں، اے ہمارے رب، یوم حساب سے پہلے ہی ہمارے عذاب کا حصہ ہمیں جلدی سے دے دے۔

تفسیرتیسیرارحمٰن - محمد لقمان سلفی

(8) کفار قریش پر عذاب کی دھمکی کا الٹا ہی اثر ہوا، اللہ کے رسول (ﷺ) کا مذاق اڑاتے ہوئے کہنے لگے کہ قیامت تک کیوں انتظار کیا جائے، اسی دنیا میں ہی ہمارے حصے کا عذاب بہم پر بھیج دیا جائے، ابن جریر کا خیال ہے کہ انہوں نے رسول اللہ (ﷺ) اور قیامت کا مذاق اڑاتے ہوئے کہا کہ قیامت کا کیا انتظار کرنا ہے، خیر یا شر، جس کے بھی ہم مستحق ہیں اسی دنیا میں ہی ہمیں دے دیا جائے۔