سورة ص - آیت 3

كَمْ أَهْلَكْنَا مِن قَبْلِهِم مِّن قَرْنٍ فَنَادَوا وَّلَاتَ حِينَ مَنَاصٍ

ترجمہ ترجمان القرآن - مولانا ابوالکلام آزاد

ہم ان سے پہلے بہت سی قوموں کو ہلاک کرچکے ہیں (جب عذاب آیا) تو انہوں نے چیخ وپکار کی مگر وہ بچنے کا وقت نہیں تھا

تفسیرتیسیرارحمٰن - محمد لقمان سلفی

(2) گزشتہ کافرو مشرک قوموں کا جوا انجام ہوا، اسے بیان کر کے کفار قریش کو دھمکی دی جا رہی ہے اللہ نے فرمایا کہ ہم نے اہل مکہ سے قبل بہت سی قوموں کو ان کے کبر و غرور اور کفر و شرک کی وجہ سے ہلاک کردیا اور جب عذاب آیا تو فریاد رسی کے لئے چیخنے اور پکارنے لگیں، لیکن اس وقت کی چیخ و پکار سے انہیں کیا فائدہ پہنچ سکتا تھا اس وقت نہ تو وہ لوگ بھاگ سکتے تھے، نہ ہی کوئی انہیں بچا سکتا تھا۔