سورة ص - آیت 2

بَلِ الَّذِينَ كَفَرُوا فِي عِزَّةٍ وَشِقَاقٍ

ترجمہ ترجمان القرآن - مولانا ابوالکلام آزاد

بلکہ یہ کفار اپنے تکبیرات اور مخالفت میں مبتلا ہیں (١)۔

تفسیرتیسیرارحمٰن - محمد لقمان سلفی

بلکہ ان کے کبر و غرور اور نبی کریم (ﷺ) اور مسلمانوں کے ساتھ ان کی گہری عداوت نے انہیں افترا پردازیوں پر ابھارا ہے، ورنہ انہیں خوب معلوم ہے کہ آپ (ﷺ) نہ جادو گر ہیں، نہ شاعر، نہ آپ کو جنون لاحق ہے اور نہ ہی جھوٹ بولنا آپ کی عادت ہے۔