سورة الصافات - آیت 117

وَآتَيْنَاهُمَا الْكِتَابَ الْمُسْتَبِينَ

ترجمہ ترجمان القرآن - مولانا ابوالکلام آزاد

اور ہم نے ان دونوں کو واضح کتاب عطا کی

تفسیر تیسیر الرحمن لبیان القرآن - محمد لقمان سلفی صاحب

(29) اللہ تعالیٰ نے موسیٰ و ہارون پر یہ بھی احسان کیا کہ انہیں تورات جیسی عظیم کتاب عطا کی، جس میں احکام و تشریعات الٰہیہ کھول کر بیان کردیئے گئے تھے اور انہیں اپنی سیدھی راہ پر ڈال دیا، یعنی دین اسلام کا پیرو بنا دیا جو تمام انبیاء کا دین رہا ہے اور ان دونوں کا ذکر خیر آنے والی قوموں میں باقی رکھا، کہ یہودی و نصرانی اور مسلمان سبھی ان کا نام عزت و احترام سے لیتے ہیں اور ان کے لئے سلامتی و رحمت کی دعا کرتے ہیں، آیت (١٢١) میں اللہ تعالیٰ نے فرمایا کہ ہم عمل صالح کرنے والوں کو ایسا ہی بدلہ دیتے ہیں اور آیت (٢٢١) میں فرمایا کہ وہ دونوں ہمارے صادق الایمان بندوں میں سے تھے۔