سورة الصافات - آیت 97

قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ

ترجمہ ترجمان القرآن - مولانا ابوالکلام آزاد

قوم کے لوگوں نے کہا ابراہیم کے لیے ایک عمارت بناؤ پھر اس کو دہکتی ہوئی آگ میں ڈال دو

تیسیر الرحمن لبیان القرآن - محمد لقمان السلفی رحمہ اللہ

(23) قوم ابراہیم کے پاس جب اپنے شرک و کفر کی تائید میں کوئی دلیل باقی نہیں رہی اور ابراہیم (علیہ السلام) کی صریح اور واضح دلیل نے انہیں لاجواب کردیا تو انہوں نے ظلم و جبروت کی راہ اختیا رکی، جو حق کی آواز کو دبانے کے لئے ظالموں اور جابروں کا ہمیشہ سے شیوہ رہا ہے۔ انہوں نے طے کیا کہ ایک بہت بڑی آگ جلا کر ابراہیم کو اس میں ڈال دیں۔