سورة الأحزاب

هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا

اس وقت مومن خوب آزمائے گئے اور نہایت سختی سے ہلائے گئے (٥)۔

(9) اور حالت بایں جارسید کہ مومنین شدید ترین آزمائش میں پڑگئے، دشمن کا خوف، جنگ کی صعوبتیں، بھوک پیاس اور ہر چہار جانب سے دشمنوں کی وجہ سے جاں بلب ہوگئے اور شدید خوف و ہراس اور اضطراب و پریشانی میں مبتلا ہوگئے اور یہ سب اس لئے ہوا تاکہ مومن و منافق کا فرق واضح ہوجائے۔