سورة العنكبوت

وَقَارُونَ وَفِرْعَوْنَ وَهَامَانَ ۖ وَلَقَدْ جَاءَهُم مُّوسَىٰ بِالْبَيِّنَاتِ فَاسْتَكْبَرُوا فِي الْأَرْضِ وَمَا كَانُوا سَابِقِينَ

اور ہم نے قارون اور فرعون اور ہامان کو بھی ہلاک کیا، بلاشبہ موسیٰ ان کے پاس صاف دلائل لے کرآیا مگر انہوں نے ملک میں سرکشی کی حالانکہ وہ (ہم سے بچ کر) سبقت لے جانے والے نہ تھے

(21) اللہ نے قارون، فرعون، اور ہامان کو بھی ان کے کفر واستکبار کی وجہ سے ہلاک کردیا، قارون کو زمین میں دھنسادیا اور فرعون وہامان کو سمندر کی موجوں کے حوالے کردیا، انکے پاس موسیٰ (علیہ السلام) اللہ کی کھلی اور صریح نشانیاں لے کر آئے تھے توحید کی دعوت پیش کی، اللہ کے عذاب سے ڈرایا اور اس کی بندگی کی طرف بلایا لیکن انہوں نے کبر کی راہ اختیار کی اور ایک اللہ کی بندگی کا انکار کردیا، تو وہ اللہ سے بچ کر کہاں جاسکتے تھے۔