سورة العنكبوت - آیت 17

إِنَّمَا تَعْبُدُونَ مِن دُونِ اللَّهِ أَوْثَانًا وَتَخْلُقُونَ إِفْكًا ۚ إِنَّ الَّذِينَ تَعْبُدُونَ مِن دُونِ اللَّهِ لَا يَمْلِكُونَ لَكُمْ رِزْقًا فَابْتَغُوا عِندَ اللَّهِ الرِّزْقَ وَاعْبُدُوهُ وَاشْكُرُوا لَهُ ۖ إِلَيْهِ تُرْجَعُونَ

ترجمہ ترجمان القرآن - مولانا ابوالکلام آزاد

تم اللہ کوچھوڑ کر محض بتوں کی پرستش کررہے ہو اور تم ایک جھوٹ گھڑ رہے ہو اور یہ واقعہ ہے کہ خدا کوچھوڑ کر تم جن کی پرستش کررہے ہو وہ تمہیں روزی دینے کاذرا بھی اختیار نہیں رکھتے سو تم اللہ ہی سے رزق طلب کرو، اسی کی بندگی کرو اور اسی کاشکرادا کرو (تم سب کواسی کی طرف لوٹ کرجانا ہے)

تیسیر الرحمن لبیان القرآن - محمد لقمان السلفی رحمہ اللہ

شرک ومعاصی سے ڈرایا اور کہا کہ تم لوگ للہ کے سوا جن بتوں کی پرستش کرتے ہو، اور افتراپردازی کرتے ہوئے انہیں اپنا معبود سمجھتے ہو، تو یہ تمہارے کسی کام نہیں آئیں گے، تمہاری روزی اور نفع ونقصان کا مالک تو صرف اللہ ہے اس لیے عبادت بھی صرف اسی کی کرو، اور اسی نے تمہیں بے شمار نعمتیں دی ہیں اس لیے شکر بھی صرف اسی کا ادا کرو اور یاد رکھو کہ مرنے کے بعد تمہیں اسی کے پاس لوٹ کرجانا ہے اپنے عمال کا حساب اسی کودینا ہوگا اس لیے صرف اسی کی عبادت کرو اور اسی کو راضی کرو،