سورة النمل - آیت 92

وَأَنْ أَتْلُوَ الْقُرْآنَ ۖ فَمَنِ اهْتَدَىٰ فَإِنَّمَا يَهْتَدِي لِنَفْسِهِ ۖ وَمَن ضَلَّ فَقُلْ إِنَّمَا أَنَا مِنَ الْمُنذِرِينَ

ترجمہ ترجمان القرآن - مولانا ابوالکلام آزاد

نیز یہ کہ میں قرآن پڑھ پڑھ کرسناتا رہوں اب جو شخص راہ ہدایت اختیار کرے گا تو وہ اپنے ہی بھلے کے لیے اختیار کرے گا اور جو گمراہ ہوتوان سے کہہ دیجئے کہ میں تو بس ایک ڈرانے والا ہوں

تیسیر الرحمن لبیان القرآن - محمد لقمان السلفی رحمہ اللہ

اور مجھے یہ بھی حکم دیا گیا ہے کہ تمہیں قرآن پڑھ کر سناؤں اور اس پر ایمان لانے کی تمہیں دعوت دوں، کیونکہ دونوں جہاں کی سعادت کا راز اسی میں ہے۔ تو جو شخص میری دعوت توحید کو قبول کرے گا اور شرک سے تائب ہوجائے گا اس کا نفع اسے ہی پہنچے گا اور جو شخص گمراہ ہوجائے گا اس کا وبال اسی کے سر ہوگا۔ میرا کام تو صرف پیغام حق لوگوں تک پوری صراحت کے ساتھ پہنچا دینا ہے۔