سورة النمل - آیت 32

قَالَتْ يَا أَيُّهَا الْمَلَأُ أَفْتُونِي فِي أَمْرِي مَا كُنتُ قَاطِعَةً أَمْرًا حَتَّىٰ تَشْهَدُونِ

ترجمہ ترجمان القرآن - مولانا ابوالکلام آزاد

اس ملکہ نے کہا، اے اہل دربار میرے اس معاملہ میں مجھے مشورہ دو، میں کسی کا قطعی فیصلہ تمہاری موجودگی کے بغیر نہیں کیا کرتی

تفسیرتیسیرارحمٰن - محمد لقمان سلفی

13۔ بلقیس نے جب خط پڑھ لیا، تو دربار میں موجود خاص لوگوں کو اس کا مضمون بتایا، اور ان سے کہا کہ تم لوگ اس بارے میں مجھے اپنی رائے دو، جب تک تم لوگوں کی رائے نہ معلوم کرلوں، صرف اپنی سمجھ پر بھروسہ کر کے کوئی فیصلہ نہیں کرنا چاہتی ہوں۔