سورة الفرقان - آیت 69

يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا

ترجمہ ترجمان القرآن - مولانا ابوالکلام آزاد

قیامت کے دن اسے دوچند عذاب دیا جائے گا اور اس میں ذلیل ہو کر ہمیشہ رہے گا

تیسیر الرحمن لبیان القرآن - محمد لقمان السلفی رحمہ اللہ

قیامت کے دن اس کا عذاب دوگنا کردیا جائے گا، اور ذلت و رسوائی کے ساتھ ہمیشہ اسی عذاب میں رہے گا۔ صحیحین میں عبداللہ بن مسعود (رض) سے روایت ہے، نبی کریم (ﷺ) نے فرمایا کہ سب سے بڑا گناہ یہ ہے کہ تم کسی کو اللہ کا شریک بناؤ، حالانکہ اس نے تمہیں پیدا کیا ہے، اور یہ کہ تم اپنی اولاد کو محتاجی کے ڈر سے قتل کردو، اور یہ کہ تم اپنے پڑوسی کی بیوی کے ساتھ زنا کرو، تو یہ آیت آپ( ﷺم) کی حدیث کی تائید میں نازل ہوئی۔