سورة الفرقان - آیت 50

وَلَقَدْ صَرَّفْنَاهُ بَيْنَهُمْ لِيَذَّكَّرُوا فَأَبَىٰ أَكْثَرُ النَّاسِ إِلَّا كُفُورًا

ترجمہ ترجمان القرآن - مولانا ابوالکلام آزاد

اور ہم اس بارش کو لوگوں کے درمیان گردش دیتے رہیں تاکہ وہ اس سے نصیحت حاصل کریں پھر بھی اکثر لوگ کفر اور ناسپاسی کے سوادوسرا رویہ اختیار کرنے سے انکار ہی کرتے ہیں (١٠)۔

تفسیرتیسیرارحمٰن - محمد لقمان سلفی

آیت 50 کے آخر میں اللہ نے فرمایا کہ انسان، اللہ کی ان تمام نعمتوں سے مستفید ہوتا ہے، لیکن ان میں اکثر و بیشتر لوگ اس کے شکر گذار نہیں ہوتے ہیں، اور اسے چھوڑ کر دوسروں کی عبادت کرنے لگتے ہیں۔