سورة الأنبياء

وَعَلَّمْنَاهُ صَنْعَةَ لَبُوسٍ لَّكُمْ لِتُحْصِنَكُم مِّن بَأْسِكُمْ ۖ فَهَلْ أَنتُمْ شَاكِرُونَ

اور (دیکھو) ہم نے داؤد کو تمہارے لیے زرہ بکتر بنانا سکھا دیا کہ تمہیں ایک دوسرے کی زد سے بچائے پھر کیا تم (ہماری بخششوں کے) شکر گزار ہوں؟

آیت (٨٠) میں ہے کہ اللہ تعالیٰ نے انہیں اسلحہ سازی کا علم دیا تھا، اور ان کے ہاتھ میں لوہا آتے ہی نرم ہوجاتا تھا، تاکہ اس سے بآسانی جو ہتھیار بنانا چاہیں بنالیں، سورۃ سبا آیات (١٠، ١١) میں ہے : ﴿ وَأَلَنَّا لَهُ الْحَدِيدَ أَنِ اعْمَلْ سَابِغَاتٍ وَقَدِّرْ فِي السَّرْدِ﴾ اور ہم نے ان کے لیے لوہا نرم کردیا کہ آپ پوری پوری زرہیں بنایئے اور جوڑوں میں اندازہ رکھیے (تاکہ چھوٹی بڑی نہ ہوں، یا سخت یا نرم نہ ہوں)۔