سورة الاعراف - آیت 198

وَإِن تَدْعُوهُمْ إِلَى الْهُدَىٰ لَا يَسْمَعُوا ۖ وَتَرَاهُمْ يَنظُرُونَ إِلَيْكَ وَهُمْ لَا يُبْصِرُونَ

ترجمہ ترجمان القرآن - مولانا ابوالکلام آزاد

(اے پیغمبر) اگر تم ان لوگوں کو سیدھے رستے بلاؤ تو کبھی تمہاری پکار نہ سنیں، تمہیں ایسا دکھائی دیتا ہے کہ تمہاری طرف تک رہے ہیں حالانکہ حقیقت یہ ہے کہ دیکھتے نہیں۔

تفسیرتیسیرارحمٰن - محمد لقمان سلفی

(127) وہ تمہاری پکار کو نہیں سنتے ہیں، اس لیے کہ ان کے کان نہیں ہیں، اگرچہ تم نے اپنے ہاتھون سے ان کے کان بنا دیئے ہیں، وہ جماد ہیں تمہیں دیکھتے نہیں ہیں اگرچہ ایسا معلوم ہوتا ہے کہ وہ اپنی پتھریلی آنکھوں سے تمہیں دیکھ رہے ہیں، پھر بتاؤ تو سہی کہ میں ان پتھروں کے معبودوں کی کیا پرواہ کروں؟!