سورة الغاشية - آیت 1
هَلْ أَتَاكَ حَدِيثُ الْغَاشِيَةِ
ترجمہ ترجمان القرآن - مولانا ابوالکلام آزاد
کیا آپ کو اس چھاجانے والی (آفت) کی خبر پہنچی ہے؟ (١)۔
تفسیر تیسیر القرآن - مولانا عبدالرحمٰن کیلانی
[١] غَاشِیَۃً: غَشَی بمعنی ایک چیز پر دوسری چیز کا چھا کر اسے ڈھانپ لینا اور غشی ایسی حالت کو کہتے ہیں جبکہ انسان کے ہوش و حواس زائل ہوجائیں اور غاشیہ بمعنی وہ چیز جس کی ہیبت ہر شخص پر چھا جائے گی۔ ہوش و حواس گم کردینے والی اور اس سے مراد قیامت کا دن ہے۔