سورة النازعات - آیت 2
وَالنَّاشِطَاتِ نَشْطًا
ترجمہ ترجمان القرآن - مولانا ابوالکلام آزاد
اوران کی جونرمی سے نکال لے جاتے ہیں
تفسیر تیسیر القرآن - مولانا عبدالرحمٰن کیلانی
[٢] نشط کا لغوی مفہوم :۔ نشط لغت اضداد سے ہے نشط الحبل بمعنی رسی کو گرہ لگائی۔ اور نَشَطَ الْعُقْدَۃُ بمعنی گرہ کو مضبوط کیا اور النَّشُوْطُ بمعنی آسانی سے کھل جانے والی گرہ۔ گویا نشط کا معنی گرہ لگانا بھی ہے اور گرہ کھولنا بھی۔ یعنی اللہ نے جب انسان کو بنایا یا پیدا کیا تو ایک ایک جوڑ اور بند کو مضبوط کیا تھا۔ موت کے وقت فرشتے انہیں جوڑوں کے بند کھول کر انہیں ڈھیلا کردیں گے۔