سورة ق - آیت 32

هَٰذَا مَا تُوعَدُونَ لِكُلِّ أَوَّابٍ حَفِيظٍ

ترجمہ ترجمان القرآن - مولانا ابوالکلام آزاد

کہاجائے گا یہی وہ جنت ہے جس کا تم سے وعدہ کیا جاتا تھا کہ یہ ہراس شخص کے لیے ہوگی جو رجوع کرنے والا اور حقوق الٰہی کی حفاظت کرنے والا تھا۔

تفسیر تیسیر القرآن - مولانا عبدالرحمٰن کیلانی

[٣٧] یعنی ایسا شخص جس کا معمول ہی یہ بن گیا ہو کہ اپنے ہر قسم کے حالات میں اللہ ہی کی طرف رجوع کرے اور اللہ کی رضا کے مطابق ہی عمل کرے۔ [٣٨] اس میں ہر قسم کی حفاظت اور محافظت شامل ہے۔ یعنی اپنے عہد و پیمان کی محافظت کرنے والا خواہ یہ عہد اللہ سے ہو یا لوگوں سے۔ نیز اپنی نمازوں کی نگہداشت کرنے والا ہو۔ حدود اللہ کا دھیان رکھنے والا ہو۔