سورة الدخان - آیت 59

فَارْتَقِبْ إِنَّهُم مُّرْتَقِبُونَ

ترجمہ ترجمان القرآن - مولانا ابوالکلام آزاد

پس آپ نتیجے کا انتظار کیجئے یہ لوگ بھی انتظار کررہے ہیں۔

تفسیر تیسیر القرآن - مولانا عبدالرحمٰن کیلانی

[٤٠] یعنی آپ تو اس بات کے منتظر ہیں کہ کب ان کی بداعمالیوں کی وجہ سے ان کی شامت آتی ہے۔ اور وہ اس بات کے منتظر ہیں کہ آپ پر کب کوئی ناگہانی افتاد پڑتی ہے۔ جو آپ کو اور مسلمانوں کو صفحہ ہستی سے نیست و نابود کر دے اور کام تو وہی ہوگا جو اللہ کو منظور ہے اور اسی وقت ہوگا جب اللہ کو منظور ہوگا۔