سورة ص - آیت 3

كَمْ أَهْلَكْنَا مِن قَبْلِهِم مِّن قَرْنٍ فَنَادَوا وَّلَاتَ حِينَ مَنَاصٍ

ترجمہ ترجمان القرآن - مولانا ابوالکلام آزاد

ہم ان سے پہلے بہت سی قوموں کو ہلاک کرچکے ہیں (جب عذاب آیا) تو انہوں نے چیخ وپکار کی مگر وہ بچنے کا وقت نہیں تھا

تفسیر تیسیر القرآن - مولانا عبدالرحمٰن کیلانی

[٢] سابقہ اقوام نے بھی یہی کچھ کیا تھا۔ پھر جب ان پر اللہ کا عذاب آگیا اس وقت وہ اللہ سے فریاد کرنے لگے اور ایمان کا اقرار کرنے لگے۔ حالانکہ توبہ و استغفار اور ایمان لانے کا وقت گزر چکا تھا۔ وہ تو عذاب کے نزول یا موت سے پہلے پہلے ہی ہوتا ہے۔ بعد میں کوئی بات کچھ فائدہ نہیں دے سکتی۔