سورة الانعام

إِنَّ مَا تُوعَدُونَ لَآتٍ ۖ وَمَا أَنتُم بِمُعْجِزِينَ

یقین رکھو کہ جس چیز کا تم سے وعدہ کیا جارہا ہے اس کو آنا ہی آنا ہے۔ (٦٥) اور تم (اللہ کو) عاجز نہیں کرسکتے۔

اے نبی ان سے کہہ دیجئے کہ قیامت، جنت، دوزخ وغیرہ کے جو وعدے تم سے کیے جارہے ہیں، یقیناً وہ سچے ہیں۔ اوروہ سب کچھ ہونے والا ہے۔ اور وہ تمہیں دوبارہ پیدا کرنے پر قادر ہے۔ تم گل سڑ کر مٹی ہوجاؤ گے، اور دوبارہ پیدا کرنا اللہ کے لیے کوئی مشکل نہیں۔ ابو سعید خدری رضی اللہ عنہ سے روایت ہے رسول اللہ نے فرمایا: ’’اے بنی آدم! اگر تم عقل رکھتے ہو تو اپنے آپ کو مردوں میں شمار کرو قسم ہے اسکی جس کے ہاتھ میں میری جان ہے جس کا تم سے وعدہ کیا ہے وہ آنے والی ہے اور تم اُسے عاجز نہیں کرسکتے۔‘‘ (حلیۃ الاولیاء: ۶/ ۹۱)