سورة الانعام - آیت 117

إِنَّ رَبَّكَ هُوَ أَعْلَمُ مَن يَضِلُّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ

ترجمہ ترجمان القرآن - مولانا ابوالکلام آزاد

یقین رکھو کہ تمہارا رب خوب جانتا ہے کہ کون اپنے راستے سے بھٹک رہا ہے، اور وہی ان لوگوں کو خوب جانتا ہے جو صحیح راستے پر ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

رب جانتا ہے کہ کون اس کے راستے سے بھٹکا ہوا ہے اور اس نے تکبر، تعصب، گمراہی کی وجہ سے اپنا راستہ گم کردیا ہے۔ رب تو اُسی کا ہے جو رب کو اپنا بنا لیتا ہے اور رب ہدایت یافتہ کو بھی جانتا ہے اللہ جانتا ہے کہ کون حق سچ کا ساتھ دینے والا ہے کون اسکے راستے پر چلنے والا ہے۔