سورة الانعام

ذَٰلِكَ هُدَى اللَّهِ يَهْدِي بِهِ مَن يَشَاءُ مِنْ عِبَادِهِ ۚ وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ

یہ اللہ کی دی ہوئی ہدایت ہے جس کے ذریعے وہ اپنے بندوں میں سے جس کو چاہتا ہے راہ راست تک پہنچا دیتا ہے۔ اور اگر وہ شرک کرنے لگتے تو ان کے سارے (نیک) اعمال اکارت ہوجاتے۔

اٹھارہ انبیاء کے اسمائے گرامی کا ذکر کرکے اللہ تعالیٰ فرما رہا ہے کہ اگر یہ حضرات بھی شرک کا ارتکاب کرلیتے تو ان کے سارے اعمال برباد ہوجاتے۔ ارشاد باری تعالیٰ ہے: ﴿لَىِٕنْ اَشْرَكْتَ لَيَحْبَطَنَّ عَمَلُكَ﴾ (الزمر: ۶۵) ’’اے پیغمبر! اگر تو نے بھی شرک کیا تو تیرے سارے عمل برباد ہوجائیں گے۔‘‘ حالانکہ پیغمبروں سے شرک کا صدور ممکن نہیں۔ مقصد اُمتوں کو شرک کی خطرناکی اور ہلاکت خیزی سے آگاہ کرنا ہے ہدایت اللہ کی کتاب میں موجود ہے رسول اللہ کی تعلیم حکمت ہے۔