سورة الانعام - آیت 78

فَلَمَّا رَأَى الشَّمْسَ بَازِغَةً قَالَ هَٰذَا رَبِّي هَٰذَا أَكْبَرُ ۖ فَلَمَّا أَفَلَتْ قَالَ يَا قَوْمِ إِنِّي بَرِيءٌ مِّمَّا تُشْرِكُونَ

ترجمہ ترجمان القرآن - مولانا ابوالکلام آزاد

پھر جب انہوں نے سورج کو چمکتے دیکھا تو کہا : یہ میرا رب ہے۔ یہ زیادہ بڑا ہے۔ پھر جب وہ غروب ہوا تو انہوں نے کہا : اے میری قوم ! جن جن چیزوں کو تم اللہ کی خدائی میں شریک قرار دیتے ہو، میں ان سب سے بیزار ہوں۔

تسہیل البیان فی تفسیر القرآن - ام عمران شکیلہ بنت میاں فضل حسین

ھَذَا اَکْبَرُ تیسرا موڑ: دلیل بھی دی کہ سورج تو سب سے بڑا ہے لیکن ڈوبنے پر کہا کہ میں اس سے بریٔ الذمہ ہوں جس کو تم شریک ٹھہراتے ہو۔ ابراہیم کو رب کیسے ملا: عقل، فہم، ادراک اور اللہ کی ہدایت سے ابراہیم نے اللہ کا مشاہدہ کرنے اور حق کو پالینے پر کہا کہ اب میرا اور قوم کا اکٹھا رہنا مشکل ہے میں بریٔ الذمہ ہوں۔