سورة الانعام

وَهُوَ اللَّهُ فِي السَّمَاوَاتِ وَفِي الْأَرْضِ ۖ يَعْلَمُ سِرَّكُمْ وَجَهْرَكُمْ وَيَعْلَمُ مَا تَكْسِبُونَ

اور وہی اللہ آسمانوں میں بھی ہے، اور زمین میں بھی۔ وہ تمہارے چھپے ہوئے بھید بھی جانتا ہے اور کھلے ہوئے حالات بھی، اور جو کچھ کمائی تم کر رہے ہو، اس سے بھی واقف ہے۔

اللہ ہر جگہ موجود ہے: اس کائنات کو پیدا کرنے والا۔ انتظام کرنے والا اکیلا اللہ سب اسکے ہاتھ میں ہے وہ تمہارے ظاہر و باطن حتیٰ کہ دلوں کے راز تک جانتا ہے اللہ ہی زمین و آسمان سے ماورا عرش پر ہے۔ اور زمین و آسمان میں اور ہر جگہ اس کی موجودگی اس کے علم و قدرت اور ان صفات میں کمال کی وجہ سے ہے اس کی قدرت کا یہ کمال ہے کہ وہ عرش پر ہوتے ہوئے بھی رتی برابر چیز کو دیکھ رہا ہے ہر پکارنے والی کی پکار سن رہا ہے۔