سورة المآئدہ

مَّا عَلَى الرَّسُولِ إِلَّا الْبَلَاغُ ۗ وَاللَّهُ يَعْلَمُ مَا تُبْدُونَ وَمَا تَكْتُمُونَ

رسول پر سوائے تبلیغ کرنے کے کوئی اور ذمہ داری نہیں ہے۔ اور جو کچھ تم کھلے بندوں کرتے ہو اور جو کچھ چھپاتے ہو، اللہ ان سب باتوں کو جانتا ہے۔

یعنی رسول صلی اللہ علیہ وسلم کی ذمہ داری تو صرف اللہ کے احکام پہنچا دینے تک ہے آگے ان احکام کی ذمہ داری تم پر ہے۔ اگر تم نافرمانی کرو گے تو رسول صلی اللہ علیہ وسلم تمہاری اس نافرمانی سے بری الذمہ ہے اور اللہ تمہارے ظاہری اعمال و اقوال اور باطنی خیالات تک سے واقف ہے۔ انسان اچھے اعمال ظاہر کرتا ہے بُرے چھپاتا ہے اللہ چھپا ہوا اور ظاہر سب جانتا ہے۔ سورۂ انعام میں ارشاد ہے کہ: وہی ایک اللہ آسمانوں میں بھی ہے اور زمین میں بھی اور تمہارے چھپے اور ظاہر کو بھی جانتا ہے۔