سورة المآئدہ

وَلَوْ كَانُوا يُؤْمِنُونَ بِاللَّهِ وَالنَّبِيِّ وَمَا أُنزِلَ إِلَيْهِ مَا اتَّخَذُوهُمْ أَوْلِيَاءَ وَلَٰكِنَّ كَثِيرًا مِّنْهُمْ فَاسِقُونَ

اگر یہ لوگ اللہ پر اور نبی پر اور جو کلام ان پر نازل ہوا ہے اس پر ایمان رکھتے تو ان (بت پرستوں) کو دوست نہ بناتے، لیکن (بات یہ ہے کہ) ان میں زیادہ تعداد ان کی ہے جو نافرمان ہیں۔

اس کا مطلب ہے کہ جس شخص کے اندر صحیح ایمان ہوگا وہ کافروں سے کبھی دوستی نہیں کرے گا۔ چاہیے تو یہ تھا کہ کسی اہل کتاب سے ہی دوستی لگاتے، تاکہ کسی نہ کسی حد تک ان کے عقائد میں ہم آہنگی ہوتی جو ان کی دوستی کی بنیاد بن سکتی۔ لیکن وہ اسلام دشمنی میں اتنے اندھے ہوگئے ہیں کہ مسلمانوں کے مقابلہ میں مشرکین کو دوستی کے لیے چنتے ہیں اور زبان سے بھی مشرکوں کو کہتے ہیں کہ دین کے لحاظ سے تم مسلمانوں سے اچھے ہو۔