سورة البقرة

ثُمَّ تَوَلَّيْتُم مِّن بَعْدِ ذَٰلِكَ ۖ فَلَوْلَا فَضْلُ اللَّهِ عَلَيْكُمْ وَرَحْمَتُهُ لَكُنتُم مِّنَ الْخَاسِرِينَ

لیکن پھر تم اپنے عہد سے پھر گئے ور اگر اللہ کا فضل اور اس کی رحمت تمہارا ساتھ نہ دیتی تو (تمہاری گمراہی کی چال تو ایسی تھی کہ) فوراً ہی تباہی کے حوالے ہوجاتے

اس آیت میں اللہ تعالیٰ تنبیہ کررہے ہیں کہ اتنے پختہ عہد کے باوجود تم نے پھر عہد شکنی کی اور اگر اللہ تم پر اپنا فضل اور رحمت نہ کرتا کہ اس نے تمہیں زندہ رہنے دیا ورنہ تمہارے گناہوں کی فہرست اتنی طویل ہے جو تمہاری تباہی کا تقاضا کرتی ہے۔