سورة المآئدہ - آیت 39

فَمَن تَابَ مِن بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ ۗ إِنَّ اللَّهَ غَفُورٌ رَّحِيمٌ

ترجمہ ترجمان القرآن - مولانا ابوالکلام آزاد

پھر جو شخص اپنی ظالمانہ کارروائی سے توبہ کرلے، اور معاملات درست کرلے، تو اللہ اس کی توبہ قبول کرلے گا (٣١) بیشک اللہ تعالیٰ بہت بخشنے والا، بڑا مہربان ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

توبہ کا دروازہ کھلا ہے۔ اگر کوئی شخص ظلم کرنے کے بعد ندامت محسوس کرتا ہے اور اللہ کے حضور توبہ کرتا ہے تو اللہ تعالیٰ رحم کرنے والا بخشنے والا ہے لیکن توبہ سے چوری کی یا کسی اور قابل حد جُرم کی سز ا معاف نہیں ہوگی۔