سورة المآئدہ

قَالَ رَبِّ إِنِّي لَا أَمْلِكُ إِلَّا نَفْسِي وَأَخِي ۖ فَافْرُقْ بَيْنَنَا وَبَيْنَ الْقَوْمِ الْفَاسِقِينَ

موسیٰ نے کہا : اے میرے پروردگار سوائے میری اپنی جان کے اور میرے بھائی کے کوئی میرے قابو میں نہیں ہے۔ اب آپ ہمارے اور ان نافرمان لوگوں کے درمیان الگ الگ فیصلہ کردیجیے۔

موسیٰ علیہ السلام اپنی قوم سے یہ جواب سن کر سخت مایوس اور غمگین ہوگئے اور اللہ سے دعا کی کہ ایسی قوم سے تو میں اکیلا ہی بھلا ہوں اور میرا بھائی ہارون حاضر ہیں جیسے آپ حکم دیں۔ نافرمان قوم کے مقابلے میں اپنی بے بسی کا اظہار بھی کیا اور جرأت کا اعلان بھی۔