سورة الليل

فَأَنذَرْتُكُمْ نَارًا تَلَظَّىٰ

پس میں نے تمہیں دہکتی آگ سے آگاہ کردیا ہے۔

مسند احمد کی روایت میں ہے كہ: حضرت نعمان بن بشیر رضی اللہ عنہ نے اپنی خطبہ میں فرمایا كہ رسول اللہ صلی اللہ علیہ وسلم سے میں نے خطبہ كی حالت میں سنا ہے۔ آپ بہت بلند آواز سے فرما رہے تھے یہاں تك میں میری اس جگہ سے بازار تك آوا زپہنچے جا رہی تھی اور بار بار فرماتے تھے كہ لوگو! میں تمہیں جہنم كی آگ سے ڈرا چكا، لوگوں میں تمہیں جہنم كی آگ سے ڈرا چكا بار بار یہ فرما رہے تھے یہاں تک كہ چادر مبارك كندھوں سے سرك كر پیروں میں گر پڑی۔ (مسند احمد: ۴/ ۲۷۲) صحیح بخاری میں روایت ہے کہ رسول اللہ صلی اللہ علیہ وسلم نے فرمایا: ’’سب سے ہلکی آگ والا جہنمی قیامت كے دن وہ ہوگا جس كے دونوں قدموں تلے دو انگارے ركھ دیے جائیں گے جس سے اس كا دماغ اُبل رہا ہوگا۔ (بخاری:۶۵۶۱)