سورة الشمس - آیت 7

وَنَفْسٍ وَمَا سَوَّاهَا

ترجمہ ترجمان القرآن - مولانا ابوالکلام آزاد

پھر مادہ عالم کے ان تمام مظاہر وشیون کے بعد روح انسانی اور وہ قادر مطلق جس نے اس پر ایسی مناسب، موزوں مستقیم اور عادلہ فطرت صالحہ رکھی

تسہیل البیان فی تفسیر القرآن - ام عمران شکیلہ بنت میاں فضل حسین

انسان فطرتاً نیك اور موحد پیدا كیا گیا: یعنی نفس كو پیدا كرنے كے بعد اس میں وہ تمام ظاہری و باطنی قوتیں ركھ دیں۔ جن سے كام لے كر وہ ایسے امور سر انجام دے سكے۔ جن كے لیے اسے پیدا كیا گیا ہے۔ نیز اسے متناسب الاعضاء بنایا۔ بے ڈھبا اور بے ڈھنگا نہیں بنایا۔