سورة الأعلى

قَدْ أَفْلَحَ مَن تَزَكَّىٰ

کامیاب ہوا وہ جس نے پاکیزگی اختیار کی

یعنی جو شخص اپنے نفس كو پاكیزہ كرے، پھر اللہ كو زبان سے بھی یاد كرتا رہے اور دل ميں بھی یاد ركھے، اور باقاعدگی سے نمازیں ادا كرتا رہے، تو سمجھ لو كہ اس كی زندگی سنور گئی اور وہ كامیاب ہو گیا۔ یہاں كامیابی سے مراد اُخروی كامیابی تو یقینی ہے كیونكہ دارالجزا آخرت ہے دنیا نہیں۔ رسول اللہ صلی اللہ علیہ وسلم نے اس آیت كی تلاوت كر كے فرمایا كہ: ’’جو شخص اللہ كے وحدہ لا شریك لہٗ ہونے كی گواہی دے اس كے سوا كسی كی عبادت نہ كرے اور میری رسالت كو مان لے اور پانچوں وقت كی نمازوں كی پوری طرح حفاظت كرے وہ نجات پا گیا۔ (بزار)